UM OKKUR

Retor Fræðsla hefur frá stofnun árið 2008 sérhæft sig í að veita fullorðnum innflytjendum fjölbreytta framhaldsfræðslu og vera þjónusta fyrir atvinnulífið. Markmið okkar er enn fremur að hækka þjónustustig í fræðslu fullorðinna innflytjenda í takt við það sem gengur og gerist í nágrannalöndum okkar. Markmið Retor Fræðslu er einnig að skapa samstarf milli ólíkra aðila og tengja saman fólk í atvinnuleit, hagnýta fræðslu og atvinnulíf. Við höfum frá upphafi lagt áherslu á það við stjórnvöld hverju sinni að stefna tungumálsins sé skýr, að námskrá í íslensku fyrir innflytjendur sé uppfærð og að framlög til íslenskukennslu séu í samhengi við stærð og mikilvægi verkefna.

Aðeins um þróun verkefna

Haustið 2009 tókum við að okkur þróun sérhæfðs námsefnis fyrir Vinnumálastofnun. Helstu úrræði sem við höfum tekið að okkur að þróa fyrir innflytjendur í atvinnuleit eru: Samfélagsfræðsla, Atvinnuleit, Námstækni, Sjálfstyrking, Þjónustulund og Fyrirtækjarekstur ásamt íslenskukennslu á stigum 1-6. Þessi námskeið gagnast jafnframt fólki í vinnu en mikið magn hagnýtra upplýsinga um íslenskt samfélag er að finna í námsefninu. Markmið námskeiðanna er jafnframt að styrkja fólk og auðvelda því aðlögun að íslensku samfélagi.

Haustið 2015 fæddist fyrirtækjaþjónustan okkar. Með aukinni þjónustu við fyrirtæki vildum við svara ákalli fyrirtækja um hvernig við gætum notað íslensku á blönduðum vinnustöðum. Þannig varð til þróunarverkefnið: Gerum íslensku að leiðandi tungumáli. Markmiðið var að skapa umræðu um stöðu tungumálsins ásamt því að innleiða skýra stefnu um tilgang og notkun tungumálsins sem samskiptamáta.

Verkefnið fékk vægast sagt glimrandi mótttökur. Tímabilið 2015- 2020 gerðu ríflega 30 fyrirtæki samstarfssamning við Retor Fræðslu með yfirlýst markmið um að gera íslensku að leiðandi tungumáli á vinnustað: Landspítalinn, Icelandair Hotels, Strætó bs, Subway á Íslandi, Dominos á Íslandi, Kynnisferðir, Vínbúðin, Mjólkursamsalan, B&L, Center Hotels, Hrafnista og Húsasmiðjan svo einhverjir séu nefndir.

Með skipulagðri, skilvirkri og markvissri íslenskukennslu er stuðlað að því að innflytjendur fái sanngjörn tækifæri til að vera virkir þátttakendur í fjölmenningarsamfélaginu, sem Ísland svo sannarlega er. Það er gríðarlega mikilvægt að fjárfesta í þeim mannauð sem falin er í þessum fjölbreytta hóp. Menntamálaráðuneytið styrkir íslenskukennslu fyrir innflytjendur lítillega. En um er að ræða einn af lykilþáttunum í tengslum við aðlögun innflytjenda að íslensku samfélagi. Íslensk stjórnvöld þurfa að gera mun betur ef markmiðið er að bjóða innflytjendum sanngjörn tækifæri til að læra íslensku.

STARFSFÓLK

Starfsfólk Retor hefur það að markmiði að bjóða uppá jákvætt og uppbyggilegt viðmót í kennslustundum sínum. Við kappkostum að ná til sem flestra og vekja athygli fólks á þeim verðmætum sem felast í hagnýtri þekkingu

71945114_10156635036268663_7588216371666747392_n
Hjalti Ómarsson

Framkvæmdastjóri

hjalti@retor.is

Beinn sími – 6623730

Aneta
Aneta M.Matuszewska

Skólastjóri og kennari

aneta@retor.is

8220640

Beata-Czajkowska
Beata Czajkowska

Verkefnastýra fyrirtækjalausna og kennari

beata@retor.is

519 4800

83886623_544974679444868_2751508933473468416_n
Marzena Kozicka

Skrifstofustjóri

marzena@retor.is

8220640

Iza
Izabela Trojanowska
kennari

iza@retor.is

519 4800

Monika (65)_resized
Monika Kowalewska – leyfi
Aðstoðarkennari fyrirtækjalausna og kennari dagnámskeiða

monika@retor.is

519 4800

Nina1
Nina Slowinska

Kennari

nina@retor.is

Ewelina
Ewelina Osmialowska – leyfi

Kennari

ewelina@retor.is

julia
Julia Kubowicz

Kennari

julia@retor.is

Sylwia Terentiuk
Sylwia Terentiuk

Kennari

sylwia@retor.is

Ewa_profile
Ewa Koprowska

Kennari

ewa@retor.is

Okkur finnst mikilvægt að kennslan sé í senn skemmtileg, skilvirk og skipulögð en umfram allt áhugaverð. Í húsnæði okkar í Hlíðasmára 8 er að finna snyrtilega og heimilislega aðstöðu og hér bjóðum við nemendum ávallt heitt og gott kaffi eða te í hléum endurgjaldslaust.

Við leggjum afar mikið upp úr því að bjóða nemendum skólans upp á vinalegt, hlýlegt og afslappað andrúmsloft. Þetta eru allt mikilvægir þættir sem stuðla að því að hámarka árangur nemenda okkar.